თხილის მოსავალი ჭარბია, თუმცა, მუშახელი არ არის. შექმნილი ვითარებიდან გამომდინარე, „თხილის მწარმოებელთა ასოციაციაში“ არ გამორიცხავენ, დასავლეთ საქართველოში მუშახელის ჩაყვანა აღმოსავლეთ საქართველოდან მოუწიოთ.
რაც შეეხება ანაზღაურებას – თხილის კრეფაზე დასაქმებულებს ერთი დღის განმავლობაში დაახლოებით 50 ლარს გადაუხდიან, ასევე განიხილება ანაზღაურების მეორე ვარიანტიც, რომელიც თხილის წონადობით განისაზღვრება – კილო თხილზე 0.50 ლარი.
თხილის კრეფის სეზონი კი აგვისტოდან იწყება და თვის ბოლომდე გაგრძელდება.
